الكفته المشويه اللى مابتفكش بالتصوير البطئ واللى حتدخل الموضوع حتلاقى مفاجأه مستنياها

الكفتة المشوية دى أنا باعملها على طول وبصراحة بتطلع زى المحلات برة بس طبعا أنضف عالأقل عارفة مصدر اللحمة وأنا هنا شارحاها بالتفصيل الممل علشان عايزاكم كلكم تعملوها بس خدوا بالكم كويس من الكلام اللى مكتوب باللون الأحمر عشان دة نتيجة تجارب كتيرة إتعرضت لها وأنا باعمل الكفتة

§ المكونات:
- كيلو لحمة مفرومة
- 200-250 جرام ليه ضانى ودة اللى بيخلى الكفتة طرية مش ناشفة
- بصلة كبيرة مفرومة ومعصورة من ميتها (يعنى نفرمها بالكبة ونعصرها بإيدينا ودة من الحاجات المهمة عشان الكفتة ماتفكش عند الشوى)
- كوب بقسماط ناعم
- ملح-فلفل-بهارات –قرفة-جنزبيل
- حزمة بقدونس مفرومة ناعم فى الكبه
ودى صورة بكل المكونات
[ندعوك للتسجيل في المنتدى أو التعريف بنفسك لمعاينة هذه الصورة]

الطريقه :
- نلخبط كل المكونات على بعضها

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين عالكبة نحط حبة حبة ومهم قوى نشغل على السرعة المتوسطة

لغاية أما اللحمة تدور معاكم زى الصورة دى

[ندعوك للتسجيل في المنتدى أو التعريف بنفسك لمعاينة هذه الصورة]

بعدين مانستعجلش ونحط الكمية كلها لإن لازم يكون الفرم ناعم يعنى عامل زى العجينة
ودى تانى حاجة تخلى الكفتة ماتفكش وهى بتتشوى
ودة شكل العجينة

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين نبتدى نصبع زى ما إنتم شايفين وشايفين كمان العجينة ناعمة إزاى

[ندعوك للتسجيل في المنتدى أو التعريف بنفسك لمعاينة هذه الصورة]
وبعدين باسحب العود وأكرر العملية لغايه أما المقدار يخلص

- ( أنا بعد ما عملت العجينة قسمتها نصفين نصف شلته فى الفريزر لمرة تانية والنصف التانى هو اللى أنا صبعته)
ودى صورة المقدار اللى إتصبع يعنى نصف العجينة :

[ندعوك للتسجيل في المنتدى أو التعريف بنفسك لمعاينة هذه الصورة]

ناخد صوابع الكفتة عالتلاجة بس طبعا نغطيها ونسيبها ساعة أو أكثر ودى تالت حاجة ما تخليش الكفتة تفك وهى بتتشوى خلوا بالكم معانا دلوقتى تلات حاجات

- الشوى :
- أنا باستخدم أسهل حاجة اللى هى شواية البوتاجاز بارش على قاعدتها شويه ملح ودة بيقلل الدخنة وباحط ورق فويل عليها علشان يكون تنضيفها سهل بعد كدة وباحط الصوابع على مرتين وبتكون الصوابع متوزعة فى نصف الشوايه بعيد عن الحروف وبعيد عن بعضها وباغير ورق الفويل فى المرة التانية عشان الكفته ماتتحرقش وما استعجلش و أحط الصوابع كلها مرة واحدة لازم يكون فيه براح بين صوابع الكفته عالشواية بس الصورة حتلاقوها مختلفة لإن الموبيل فصل شحن فما عرفتش أصور وكانوا عندى جعانين فبعد ما أكلتهم عملت 5 صوابع مخصوصه عشان أعرف أصورها بس الشوايه ممكن تستوعب تمانية بالشروط اللى إحنا قايلينها
- لازم الشوايه تسخن الأول وتكون النار وسط لا عالية ولاواطية
- وبارص الصوابع واغطيها دقيقة وما باحاولش أقلب خالص لغاية أما تبتدى المادة الدهنية تنزل من الكفتة ساعتها باكون ضامنة إن الكفتة مش حاتلزق فى الشواية واقلب عالناحية التانية و أغطى كمان دقيقة لحد ما تبتدى المادة الدهنية تنزل من الناحية التانيه كدة أقلب كمان كدة مافيش مشكله لإنى ضمنت إن الكفتة مش حاتلزق وأستمر فى التقليب فى كل الجوانب عشان الكفتة ماتتحرقش من أى جنب وممكن هنا أوطى النار شويه عن الوسط
ودى مراحل الشوى بالتصوير البطئ فيديو يعنى

[ندعوك للتسجيل في المنتدى أو التعريف بنفسك لمعاينة هذه الصورة]

هنا إبتديت أقلب لإن المادة الدهنيه إبتدت تنزل من الكفته

[ندعوك للتسجيل في المنتدى أو التعريف بنفسك لمعاينة هذه الصورة]

- أول ما حس إن الكفتة إستوت أشيلها وأغير ورق الفويل وأكمل بقية المقدار
- ودة الشكل النهائى بس خدوا بالكم بقدونس التزيين لازم يكون متنشف كويس ومغسول طبعا

[ندعوك للتسجيل في المنتدى أو التعريف بنفسك لمعاينة هذه الصورة]

ممكن تعملوا الفحمة بس أنا ما باعملهاش لإن النكهة بتكون عاليه الضانى بيقوم بالواجب فالموضوع بيكون تحصيل حاصل
------------------------------------------------------------------------------------------------------------------------------------------------
نيجى بقى للمفاجأة زى ما وعدتكم تفتكروا حتكون إيه .؟؟؟!!!
صح بوفيه سلطات جديد
عملتلكم بوفيه سلطات جديد ألواناته كتير وفيتاميناته أكتر ممكن يتقدم جنب اى أكل ودى صورته
ممكن تضغطوا عالصورة تلاقوا نفسكم عالبوفيه عدل وقدامكم السيرفيس بس خدوا بالكم دة غير بوفيه السلطات اللى فات دة فيه أنواع جديدةاللى هى
(فاصوليا بيضا -تونة-فراخ-بطاطس بالمايونيز-زبادى-حمص بالطحينة-صوص تارتار)

جايبالكم النهاردة بوفيه سلطات جديد عشان نكمل بيه بوفيه السلطات اللى فات وبرضه مجهزاه بالصور من مطبخى إن شاء الله يرضى جميع الأذواق واضح كدة إنى ما بعرفش أعمل حاجة غير السلطات
ياللا نبتدى على طول زى المرة اللى فاتت بس شوفوا الصورة دى الأول علشان تتحمسوا أكتر للموضوع وتسخنوا معايا:

[ندعوك للتسجيل في المنتدى أو التعريف بنفسك لمعاينة هذه الصورة]

أولا: صوص التارتار:سهله وبسيطة وتتحط على ساندوتشات البانيهات مع فرشه خس وهى بتتباع من ضمن بوفيه السلطات بتاع بيتزا هت ودة عشان تاخدوا بالكم منها
المكونات:
· 4 ملاعق كبيرة مايونيز كبيرة
· 4 ملاعق كبيرة كاتشب كبيرة
· 4 ملاعق كبيرة خل كبيرة وممكن يكونوا إتنين بس فى حالة إن الكاتشب سايل مش سميك
· بصل مخلل –خيار مخلل مفرومين بالسكينه حوالى 4 وحدات
الطريقة :
- بتحطوا كل الحاجات اللى فاتت على بعضها ونقلب ونضيف رشه فلفل إسود ودة بيكون شكلها النهائى

[ندعوك للتسجيل في المنتدى أو التعريف بنفسك لمعاينة هذه الصورة]

ثانيا : سلطة الفاصوليا البيضاء:
وبتقبل التقديم مع كل الأطباق أو بتكون طبق جانبى وبتكون لايقة قوى مع القرنيط المقلى
وممكن تتعمل بنفس الطريقة مع حمص الشام بدلا من الفاصوليا البيضا
المكونات:
· 100 جرام فاصوليا بيضاء مسلوقه ومتصفيه من ميتها لاهى مهريه ولا هى ناشفه قوى وطبعا بننقعها قبل ما بنسلقها
· حزمة بقدونس مفروم ناعم فى الكبه بس( خدوا بالكم من الملاحظة دى البقدونس اللى بنستخدمه فى السلطات والتزيين لازم يكون متنشف كويس مايكونش مبلول الموضوع دة بسيط بس بيفرق فى الشكل جامد)
· جزرة مبشورة
· فلفل رومى ألوان متقطع مكعبات صغيرة
· 2فص توم كبير مفروم ناعم
· رشة زيت درة على وش السلطة
للصوص :
· نصف ليمونة-ملعقتين خل كبير –ملح –كمون-شطة
· 2ملعقة مستردة كبيرة

ودى صورة المكونات ما عدا البقدونس نسيت أصوره

[ندعوك للتسجيل في المنتدى أو التعريف بنفسك لمعاينة هذه الصورة]

الطريقة :
- بنحط مكونات الصوص على التوم ونسيبوه شويه عشان يتشرب ويصلح للأكل وهو نى
- نضيف الخضار على الفاصوليا على الصوص ونقلب ونضيف رشه زيت ع الوش ودة بيكون شكلها النهائى

[ندعوك للتسجيل في المنتدى أو التعريف بنفسك لمعاينة هذه الصورة]

ثالثا : سلطة التونة بالخضروات :
المكونات:
· 2 علبة تونة قطع متصفيه من السايل بتاعها
· حزمة شبت مفروم ناعم فى الكبه يعنى( خدوا بالكم من الملاحظة دى الشبت اللى بنستخدمه فى السلطات والتزيين لازم يكون متنشف كويس مايكونش مبلول الموضوع دة بسيط بس بيفرق فى الشكل جامد)
· جزرة مبشورة
· فلفل رومى ألوان متقطع مكعبات صغيرة
· بصله صغيرة مقطعة مكعبات
· رشة زيت درة على وش السلطة
للصوص :
· نصف ليمونة-ملعقتين خل كبير –ملح –كمون-شطة

ودى صورة للمكونات
[ندعوك للتسجيل في المنتدى أو التعريف بنفسك لمعاينة هذه الصورة]

الطريقة :
- بنحط مكونات الصوص على البصل ونسيبوه شويه عشان يتشرب ويصلح للأكل وهونى
- نضيف الخضار على التونة على الصوص ونقلب ونضيف رشه زيت ع الوش ودة بيكون شكلها النهائى

[ندعوك للتسجيل في المنتدى أو التعريف بنفسك لمعاينة هذه الصورة]

سلمت يمنآكـ على مآحملتهـ لنآ

موضوع عآلي بذوقهـ ,,

» كود تغير خلفية تكبير وتصغير الصوره في الموضوع وجعلها مثل vb
» مين اللى سرق اللحاف الفيبر بتاعى
» ماذا تقول للشخص اللى فى بالك؟
» تحميل البوم تامر حسنى اللى جاى احلى
» تحميل اغنية اللى مشفش الدنيا النجم علاء غريب