نحيفة نحيفة نحيفة نحيفة طب تعالي نتخلص من اللقب دا

السلام عليكم ورحمة الله وبركاتة
ازيكم يا بنات عاملين ايه
يارب تكونو بخير
انا موضوعي انهاردة عن النحافة ولقيب النحافة وقرف النحافة
عشان كدا قررت اعمل فكرة اتمني من كل اللي عايزة تبقي موزة تشترك فيها
بس بصراحة كدا قبل ما اتكلم عن الفكرة دي احب اقول تجربتي مع النحافة من بداية اهتمامي بها حتي الآن:_
1_من كذا سنة نقدر نقول 5 سنين كنت عايزة وزني يزيد زهقت من الرفع خاصة اني كنت في الوقت دا في ثانوية عامة
المهم قررت اني اروح لدكتور تغذية زكشفت وحللت والحمد لله طلع معنديش حاجة وكتبلي علي جروث فورميلا وفواتح شهية وفيتامينات المهم ظبطني وفعلا" زت بس كيلو واحد علي مدار اسبوعين شغل علي ودنه ههههههههههه المهم اني زهقت وتعبت وحسيت ان مفيش امل
بعد كدا كبرت دماغي لفترة.
2_رجعتله تاني والموضوع بقي من اول وجديد تحاليل وغيره وبرده علاج وبرده مزتش ههههههههههه
بعد كدا كبرت دماغي برده.
3_اتفقت مع صحبتي في الدراسة اننا نركز مع بعض في موضوع الاكل والحمد لله برده مزدناش هههههههههههه عشان طبعا جهد النزول والطلوع في الدراسة.
اتخنقت اقنعت نفسي بان جسمي لذيد وفلة وتمام وكبرت دماغي عن التخن.
4_بعد كل الكلام اللي فات دا لقتلكم واحدة صحبتي كانت العن مني في الرفع كان بجد الهدوم كلها بتتجمع عليها عشان تعرف تنزل لقتها موز موز موز سقلتها عملتي ايه وايه اللي زودك كدا قالتلي ان فيه وصفة ب 20 ج بتزود كدا
الطبيعي اني اسكت لآ طبعا" رحت معاها واشتريتها وخلصتها كلها وكررتها اكتر من 3 مرات في حين انها جربت ازازة واحدة بس وجابت معاها نتيجة بس انا اخت 3 وي ولا اكني كحيت حتي هههههههههههه.
5_اخت فترة مركزة جامد جدا مع المكسرات الدانيت فكنت باكل 6 علب دانيت باليوم لمدة اسبوع دا غير المكسرات وخلافة وجالي تلبك وبطني وجعتني فتبعت في النهاية مع دكتورة لفترة والنتيجة كانت هيا اللي بتزيد وانا اللي بخس
ههههههههههههههههه
مش عايزة اطول عليكوا اكتر من كدا
لكن جتلي فكرة وهي اننا نتابع مع دكتورة ليها شنة ورنة واسمها وسمعتها اشهر من النار علي العلم ونتفق معاها انها تعملنا جروب مع بعض تتابع فيه كل واحدة قدمنا ونشوف الزيادة وانقصان وكدا يعني
حاجة زي الرابح الاكبر والمهم ان تكلفة الفلوس متكنش عالية خااااالص ونمشي علي برنامج زمني محدد نكتسب فيه الوزن
ها ايه رأيكم مين هتقول انا معاكي
البيانات المطلوبة منكم هي الاتي :_
الاسم
السن
ساكنة فين
وزنك الحالي
طولك
بتشتغلي ولا بتدرسي ولا قاعدة في البيت
رقم موبايلك
ابعتوهملي علي الخاص طبعا"
وانا ان شاء الله هاظبط الموضوع دا مع دكتورة شاطرة
انا هرشح دكتورة سمر العمريطي ايه رأيكم
وان شاء الله لو تمام هنبدء من نصف الاسبوع دا عشان نزيد بسرعة كفاية بقي
انا عن نفسي هموت علي 10 كيلو نفسي ابقي 60 وان شاء الله هبقي كدا وهنوصل